ب ئامادەبوونا بەڕێزان د. کاوە عەبدولعەزیز راگرێ پەیمانگەها تەکنیکی و پیشەییا ڕەند و عەقیدێ مافپەروەر وەلات سەديق ئیبراهیم، ڕێڤەبەرێ ڕێڤەبەریا بەرهنگاربوونا توندوتیژی دژی ئافرەتان و خێزانێ ل پارێزگەها دهوکێ، ئەڤرۆ چار شەمبی ڕێکەفتی ١٤ی کانوونا دووێ یا سالا ٢٠٢٦ێ سمینارەک ل هولا بارەگایێ رێڤەبەریێ برێڤەچوو یا کو هاتیە ڕێکخستن ژلایێ ڕێڤەبەریا مە بهەڤکاری دگەل رێکخراوا (the Lutos Flower) بمەرەما بلندکرنا ئاستێ هوشیاریی.
ل دەستپێکێ، راگرێ پەیمانگەهێ بەرێز د. کاوە عەبدولعەزیز د پەیڤەکێ دا سوپاسیا رێڤەبەریێ کر بۆ دەستپێشخەریا ئەڤی کارێ گرنگ بۆ قوتابیێن مە یێن هێژا و لدویڤدا بەڕێز مقەدم فەلاح حەسەن، بەرپرسێ بەشێ راگەهاندن و پەیوەندی ل رێڤەبەریا مە، بخێرهاتنا ڕێڤەبەر و مامۆستا و قوتابیێن پەیمانگەها تەکنیکی ڕەند کر و باس لسەر گرنگیا ڤان جورە چالاکیان کر.
پاشان د تەوەرێ ئێکێ یێ سمینارێ دا، بەرێز عەقیدێ مافپەروەر شڤان ئیسماعیل حسێن، بەرپرسێ نڤێسینگەها دهۆک یا بەرهنگاربوونا توندوتیژی دژی ئافرەتان و خێزان یا سەر ب رێڤەبەریێ ڤە ب تێر و تەسەلی باس لسەر پرۆسەیا ڤەکۆلینێ د کەیسێن خراب بکارئینانا ئامیرێن پەیوەندیکرنێ و ب تایبەتی یێن گرێدای ب تۆرێن جڤاکی ڤە کر.
د تەوەرێ دوویێ دا، بەرێز عەقیدێ مافپەروەر نهاد عەلی محەمەد، بەرپرسێ بەشێ کاروبارێن یاسایی، یاسایا ژمارە (٦) یا سالا (٢٠٠٨) یا تایبەت ب قەدەغەکرنا خراب بکارئینانا ئامیرێن پەیوەندیکرنێ بۆ ئامادەبوویان شرۆڤەکر، هەروەسا دووپاتی لسەر گرنگیا خۆپاراستن ژ بکارئینانا تورێن جڤاکی بشێوەیەکێ نە دروست کر.